Ujeedoonyinka ururka
(a) Ujeedada ugu weyn ee ururka waa in aanu abaabulno isku soo baxyo iyo banaanbaxyo waaweyn oo ay sameeyaan dadka Afrika ka soo jeedo taas oo loogu dagaalmaayo xoriyada, cadaalada iyo sinaanta. Loogana so horjeedo cunuriyada, midabtakoorka iyo midab kala sooca ka jira Finland.
(b) Inaan ka shaqeyno wadajirka iyo isku duubnanta dadka asal ahaan ka soo jeeda Afrika
(c) Inaan u doodno cadaalada bulshada ku nool Finland si ay u gaaraan nolol wanaagsan iyo horumar.
(d) Inaan la shaqeyno xoogaga horusocodka ee taageero udagaalka cadaalada, xuquuqul insaanka kana soo horjeeda cunsuriyada iyo midabtakoorka ka jira Finland.
(e) Inaan taageerno iskuxirnaanta iyo ka qeybqaadashada siyaasada.
(f) Inaan ciribtirno noocyada kala duwan ee cunsuriyada sida adoonsiga, naceybka dadka madow iyo Afrikaanka ku nool Finland.
(g) Inaan sare u qaadno xuquuqda baniaadamka, cadaalada, sinaanta, ku dhaqanka iyo u hogaansanaanta sharciga.
(h) Inaan taageerno una doodno daahfuraanta iyo mas´uulidada saaran booliska iyo heydaha sharciga ee ku xadgudba dadka Afrikaanka ee ku nool Finland.
(i) Inaan sare u qaadno wadajirka, iskuxirnaanta, nabada iyo dagnaanshaha bulshadeena.
(j) Inaan u muujino taageero dadka la kulma cunsuriyada iyo midabtakoorka ee ka soo gaara dhibaato maskaxeed iyo waliba inaan la raadino sidaan, ugu gudbin laheyn dhibaatadooda booliska iyo heydaha kale ee ku shaqada leh.